Sunday, August 11, 2013

മഴയുടെവികൃതി



മഴയുടെ താണ്ടവം ആടി തിമര്‍ക്കുമ്പോള്‍
പെരുമ്പറ മുഴങ്ങുന്നു ഇടനെഞ്ചിലെപ്പോളും
എത്ര ദിനങ്ങള്‍ എണ്ണിയിരിക്കണം
തെളിയുന്ന മാനം കാണുവാനായി

ഭൂമിയാം ദേവിയെ പ്രണയിച്ചിടാതെ
ആ മടിതട്ടിനെ പ്രാപിച്ചിടുന്നു
മണി മന്ദിരങ്ങള്‍ പടുത്തുയര്‍ത്തീടുവാന്‍
ഭുമിതന്‍ മാറു പിളര്‍ക്കുന്നു അന്‍പേതുമില്ലാതെ

മര്‍ത്യന്റെ ക്രൂരത കണ്ടുമടുക്കുമ്പോള്‍
ഈശ്വരന്‍ പോലും കണ്ണടച്ചിടുന്നു
ദുരിതം വിതച്ചു കടന്നുവന്നീടുന്നു
പ്രികൃതിതന്‍ വികൃതിയായ് പല ഭാവങ്ങളില്‍

തണ്ടവമാടുന്ന വഴികളിലൊക്കെയും
നക്കിതുടച്ചു കടന്നുപോയീടുന്നു
പ്രകൃതി ദുരന്തമായ് കൊട്ടി ഘോഷിക്കുന്നു
മനുഷ്യന്‍റെ ചെയ്തികള്‍ കണ്ടില്ലെന്നു നടിക്കുന്നു

എത്രയോ ജീവന്‍ പൊലിഞ്ഞുപോയ്‌
അറിയില്ലെനിക്കതിന്‍ കണക്കൊന്നുമേ
ഇനിയൊരു ദുരന്തത്തിന്‍ വാര്‍ത്ത കേള്‍ക്കാന്‍
കഴിയാതിരിക്കട്ടെ വരും നാളിലും

2 comments:

  1. പ്രകൃതിയ്ക്ക് പ്രതികരിക്കാത്തിരിക്കാന്‍ കഴിയില്ല.കവിതയില്‍ കാല്പനികത നന്നായി.

    ReplyDelete
  2. prakrithi thanne eswaran.shriti,shithi,samharam....... ellam prakirthi thannne.Vikirthi kattunnu manusher.All the best sister.May divine bless you

    ReplyDelete