Sunday, December 31, 2017

വിടപറഞ്ഞ വര്‍ഷം












കൊഴിഞ്ഞു വീണ വര്‍ഷം
നമ്മിലിറ്റിച്ചു തന്നുപോയ്
ആനന്ദത്തിനലയടിയെങ്കിലും
നോവിന്‍റെ കൂടാരമായിരുന്നേറെയും

പിടി മുറുക്കിയ ദുരന്തങ്ങള്‍
താലൂരമായ് അതിവൃഷ്ടിയായ്
പലരാജ്യങ്ങള്‍ നാടുകള്‍ താണ്ടി
തകര്‍ത്തെറിഞ്ഞു പോയതും

പലായനങ്ങള്‍ പലതും
തീരാത്ത നോവുകളായ്
ഇടവഴിയില്‍ നഷ്ടമായനവധി
പ്രാണന്‍റെ കണക്കുകള്‍

അന്ത:ച്ചിദ്രങ്ങളില്‍ പൊലിഞ്ഞു
നാടിന്‍റെ നന്മനിറഞ്ഞവര്‍ പലര്‍
വര്‍ഗ്ഗീയവിഷം  ചീറ്റിയെങ്ങും
ക്രൂരമായ്‌ മാറിയ ബ്രഹ്മാണ്ഡവും

മാതൃകാപുണ്യജന്മങ്ങള്‍ പലതും
മന്നില്‍നിന്നു മണ്മറഞ്ഞതും
കാലത്തിന്‍റെ വികൃതിയില്‍
കവര്‍ന്നെടുത്ത സ്വപ്‌നങ്ങള്‍

കലാപങ്ങള്‍ നിറയുന്നുയെങ്ങും
പരസ്പരം പോരടിക്കുന്നു രാജ്യങ്ങള്‍
വിട്ടുവീഴ്ചകളില്ലയൊട്ടുമേ
ജനജീവിതം പൊറുതിമുട്ടുന്നു

പ്രതീക്ഷയുടെ ദീപ്തി ചിന്തി
വന്നണയുമീ വര്‍ഷദിനങ്ങള്‍
നന്മയുടെ പൂവുകള്‍ വിടരട്ടെ
പാരിലെങ്ങും പരക്കട്ടെ സുഗന്ധം