മനോഹരമായ ഒരു മുകുളമായ് വിടര്‍ന്ന സ്നേഹം പൂര്‍ണ്ണതയില്‍ വിടര്‍ന്നപ്പോള്‍ അതിലേറെ ഭംഗിയായിരുന്നു .സുഗന്ധംവീശി പൊതിഞ്ഞു പിടിച്ച ഋതുക്കള്‍ കടന്നുപോയപ്പോള്‍ ,ഇതളില്‍ ചിത്രങ്ങള്‍ തീര്‍ത്ത മഴത്തുള്ളികള്‍ , ശലഭങ്ങള്‍ വന്ന് കുശലങ്ങള്‍ ചൊല്ലിയപ്പോള്‍ ,ഇളംതെന്നലില്‍ ചാഞ്ചാടിയപ്പോള്‍ ചന്തം കൂടിക്കൂടിവന്നു. മെല്ലെ തലോടുവാന്‍ കരങ്ങള്‍ നീട്ടിയപ്പോള്‍ ഇടയില്‍ പൊന്തിവന്ന തരുനഖങ്ങള്‍ മുറിവേല്‍പ്പിച്ചു ചുവപ്പിന്‍റെ നിറം പൊടിച്ചപ്പോള്‍ പെട്ടന്നുള്ള കോപാഗ്നിയില്‍ പ്രഹരമേല്‍പ്പിച്ച് കടന്നുപോയി .ശാന്തതവന്നപ്പോള്‍ തിരികെയെത്തിയ മനസ്സിനെ കാത്തിരുന്നത്ദളങ്ങള്‍ പൊഴിഞ്ഞു ശൂന്യമായ തണ്ടുകള്‍ മാത്രം .ബന്ധങ്ങള്‍ ഏതുമായിക്കൊള്ളട്ടെ ആദ്യം വിരിയുന്ന ഭംഗി അവസാനം വരെ കാത്തുസൂക്ഷിക്കാന്‍ ഇത്തിരി ക്ഷമയും അല്പം വിട്ടുകൊടുക്കലും,പരസ്പരം മനസ്സിലാക്കലിന്‍റെ വിനാഴികകളും നഷ്ടപ്പെടാതെ സൂക്ഷിക്കാം ........!!!!
നല്ലത്...
ReplyDeleteആശംസകൾ
നന്ദി സർ
Delete