Tuesday, August 5, 2014

നിശബ്ദസതീര്‍ത്ഥ്യന്‍


ആരുമറിയാതെ കാതില്‍ ചൊല്ലി നീ
പോകാം നമുക്കാരുമില്ലാത്തിടത്തേക്ക്
കണ്ണുമിഴിച്ചു ഞാന്‍ നോക്കിയെന്‍ ചുറ്റിലും
കണ്ണിമചിമ്മിയടഞ്ഞു പോയീ.....

പിന്നെ തുറക്കാന്‍ കഴിഞ്ഞില്ലൊരിക്കലും
ആ കാഴ്ചയൊന്നുമേകണ്ടതുമില്ല ഞാന്‍
അദൃശ്യമാംമേതോരാഘര്‍ഷണംപോലെ
യാത്രയായ് ആ വിരല്‍ തുമ്പില്‍പിടിച്ചു ഞാന്‍

കൂടെനടന്നകന്നീടുന്ന വഴികളും
നീണ്ടുകിടക്കുന്ന വിജനമാം വീഥിയും
നാസിക തുമ്പിനെമുത്തമിട്ട്
വലയം ചെയ്യുന്നൊരദൃശ്യഗന്ധവും

ഗന്ധമൊരായിരം ഓര്‍ത്തെടുത്തെങ്കിലും
ഈ ഗന്ധമെന്തെന്നറിയാന്‍ കഴിഞ്ഞില്ല
കാലൊച്ചയില്ലാതെയരുകില്‍ വന്നപ്പോഴും
ശാന്തനാമൊരു പഥികനായ് കരുതി ഞാന്‍

ഒന്നുമാത്രമറിയാമെനിക്കിന്നു
വിളിച്ചാല്‍ തള്ളാന്‍ കഴിയില്ലാര്‍ക്കുമേ
കാലൊച്ചയില്ലാതരികിലണയുന്ന
സതീര്‍ത്ഥ്യന്‍ തന്‍പേരോ "മരണം"




8 comments:

  1. മരണം നല്ലൊരു സുഹൃത്തും സന്തത സഹചാരിയും കാമുകനും ഒക്കെയാണ് ....ആരാണീ മരണം എന്നാൽ ഞാൻ തന്നെയാണ് ആ മരണം.

    ReplyDelete
    Replies
    1. ആരാണീ മരണം എന്നാൽ ഞാൻ തന്നെയാണ് ആ മരണം സത്യമാണ് പ്രവീണ്‍ ....വായനയ്ക്ക് നന്ദി

      Delete
  2. മരണമെന്ന സഹയാത്രികന്‍!

    ReplyDelete
    Replies
    1. ആര്‍ക്കും ഉപേക്ഷിക്കാന്‍ പറ്റാത്ത സഹയാത്രികന്‍ ......നന്ദി അജിത്തേട്ട

      Delete
  3. ഗന്ധമൊരായിരം ഓര്‍ത്തെടുത്തെങ്കിലും
    ഈ ഗന്ധമെന്തെന്നറിയാന്‍ കഴിഞ്ഞില്ല
    കാലൊച്ചയില്ലാതെയരുകില്‍ വന്നപ്പോഴും
    ശാന്തനാമൊരു പഥികനായ് കരുതി ഞാന്‍ ashamsakal miniyecheeeeee

    ReplyDelete
  4. സമയമാം രഥത്തില്‍ വരുന്ന സതീര്‍ത്ഥ്യന്‍.....
    ആശംസകള്‍

    ReplyDelete
    Replies
    1. അനുവാദമില്ലാതെ അരികിലെത്തുന്ന സതീര്‍ത്ഥ്യന്‍...........നന്ദി സര്‍

      Delete