നന്ദിയേകുന്നിതാ സര്വ്വേശ്വര ഞാന്
വീണ്ടുമൊരു നവവര്ഷപുലരിയെനിക്കേകീല്ലേ
ഈ പുലരി കാണാതെ പോയവരനവധി
ഞങ്ങള് തന് പ്രാണന് നിലക്കാതെ കാത്തില്ലേ
നല്കിയ ദാനങ്ങള് എല്ലാം സമര്പ്പിച്ചു
നന്ദി ഞാന് ചൊല്ലുന്നു അങ്ങേ മുന്പില്
സ്നേഹ പ്രകാശത്തിന് ദീപമായ് മാറുവാന്
നന്മ വിതറും കുളിര്മഴയായിടാന്
കോട്ടങ്ങളെല്ലാം അതിജീവിച്ചീടുവാന്
നേട്ടങ്ങളെല്ലാം ദാനമായ് കരുതുവാന്
സഹനത്തിലെല്ലാം തളര്ന്നു പോയീടാതെ
അനുഗ്രഹധാരയില് അഹങ്കരിച്ചീടാതെ
കരുതലായ് കരുണയായ് എന്നില് നിറയണേ
എന്നും നീയെന്നെ നയിച്ചീടണേ
സഹചരന് തന്നുടെ നന്മയെ കാണുവാന്
ഉള്കണ്ണിലെന്നും പ്രകാശം നിറക്കണേ
സുഗന്ധം പരത്തുന്ന പുഷ്പമായ് മാറുവാന്
നാഥാ നിന് വാടിയില് ഇടമേകണേ.......!
പുതു വത്സരാശംസകള് മിനി
ReplyDeleteപ്രാര്ത്ഥനകളും ആഗ്രഹങ്ങളുമൊക്കെ സഫലമാകട്ടെ
ReplyDelete