മയില്‍‌പീലി തുണ്ട് കൊണ്ട് തുലാഭാരം
നിനക്കായ്‌ നടത്തുവാന്‍ കാത്തിരിക്കുന്നവള്‍
ഒരു നിമിഷമോ ഒരു ദിനമോ അല്ല........
ജീവിതയാത്രതന്‍ ആയുസ്സ് മുഴുവനും.
എന്നിട്ടും തിരിച്ചറിയാതെ പോയതെന്ത്...?
ആ ചെറുമയില്‍‌പീലിതുണ്ടിനെ
എത്രയോ നാളായി കാത്തുവെയ്പ്പു
മറ്റാരും കാണാതാ മയില്‍പീലികള്‍
നിന്‍ ജീവനെവിടെയോ ഇടമുറിഞ്ഞില്ലേ?
കൂട്ടിച്ചേര്‍ക്കുവാന്‍ തന്‍കരള്‍ പകുത്തേകി
സ്നേഹമാം രക്തതുള്ളികള്‍
നിന്നിലേക്കിറ്റിറ്റു വീഴ്ത്തിയതുമവള്‍
പറയാതെ നീ പോകും നിമിഷങ്ങളില്‍
കാണാതുഴറുന്നതും അറിയുന്നില്ലേ ?
അവള്‍ തന്‍ പരിഭ്രമനോവുകള്‍
കാണാതെ കാണുന്നതും ഞാന്‍ മാത്രമോ..
എന്നിട്ടുമേന്തേ കാണാതിരിപ്പു നീ
കാഴ്ച്ചയുണ്ടായിട്ടും അന്ധനെപോലെന്നും
ഇതാസമയമായ് തിരിച്ചറിഞ്ഞീടുക
സത്യമാം സ്നേഹത്തിന്‍ മയില്‍‌പീലിത്തുണ്ടിനെ
പൂവായ് വിരിഞ്ഞിന്നു സൗരഭ്യം പരത്തുന്നു
പൂമ്പാറ്റയായ് നിന്‍ വരവിനെ കാത്തവള്‍
ഇന്നിന്റെ യാത്രയില്‍ നീ തേടി ചെന്നതോ
പൊയ്‌മുഖമണിഞ്ഞൊരു പൂവിനെയല്ലയോ
നിനക്കായ്‌ തുടിക്കുന്ന ഹൃദയസ്പന്ദനങ്ങളും
കാത്തിരിപ്പിന്റെ നൊമ്പരക്കാറ്റും
എന്തിനെന്നല്ലേ ,നിനക്കറിയേണ്ടു....?
സ്നേഹത്തുലാഭാരം നിനക്കായ്‌ നടത്തുവാന്‍,,,,,!
നിനക്കായ്‌ തുടിക്കുന്ന ഹൃദയസ്പന്ദനങ്ങളും
ReplyDeleteകാത്തിരിപ്പിന്റെ നൊമ്പരക്കാറ്റും
എന്തിനെന്നല്ലേ ,നിനക്കറിയേണ്ടു....?
സ്നേഹത്തുലാഭാരം നിനക്കായ്‌ നടത്തുവാന്‍,,,,,!ആശംസകള്‍ നേരുന്നു