Wednesday, September 11, 2013

തൂലിക


സത്യം ജയിക്കുവാന്‍ തൂലികത്തുമ്പിനെ
പടവാളായ് മാറ്റിയ കൂട്ടുകാരി
നിനക്ക് അഭിനന്ദനം ചൊല്ലി മടങ്ങുവാന്‍ എന്തോ?
ഇന്നെന്‍ മനസ്സിന് ശക്തി പോരാ

നീ കുറിക്കുന്ന വരികളില്‍ പലതുമേ
പലഹൃത്തിനുള്ളിലും കുറിക്കുകൊണ്ടീടുന്നു
എന്‍ മനതാരില്‍ തെളിഞ്ഞതാണെന്നവള്‍
പുഞ്ചിരിയോടെ മൊഴിഞ്ഞു മറയുന്നു

സാമൂഹ്യ തിന്മതന്‍  മാറ്റങ്ങളെല്ലാം
ചൂണ്ടുവിരലാക്കി തൂലിക കൊണ്ടവള്‍
കൊടുംങ്കാറ്റു വിതച്ചു നീ ഭാഗവാക്കാവുന്നു
നല്ലൊരു പുലരിയെ കണ്ടു മുന്നേറുവാന്‍

മിത്രങ്ങള്‍തന്നുടെ തെറ്റുകണ്ടീടുമ്പോള്‍
മടിയേതുമില്ലാതെ ചൊല്ലുന്നു അരുതെന്ന്
സത്യമാം മുഖമുദ്ര കൂടെയുണ്ടതിനാലെ
മിത്രങ്ങള്‍ പലരുമേ ശത്രുവായ്‌ മാറുന്നു

സത്യമാം അറിവിന്റെ ഉത്തമബോധ്യങ്ങള്‍
ചൊല്ലി നേര്‍വഴിയെ നടത്തുന്നു സഹജനേ
തെറ്റിദ്ധരിച്ചവര്‍ നേരറിഞ്ഞീടുമ്പോള്‍
തിരികെവരുമെന്ന് ചൊല്ലികടന്നുപോയ്

തൂലിക കോറിയ യാത്രയിലൊക്കെയും
കനലായ് എരിഞ്ഞു നീ ജ്വലനം നടത്തീല്ലേ
പിന്തിരിഞ്ഞിന്നു നീ നോക്കേണ്ട തൂലികേ
കുതിച്ചുപാഞ്ഞിന്നു നീ മുന്നോട്ടുപോകുവിന്‍

2 comments:

  1. തൂലികതുമ്പിലെ ജ്വാല...അണയാതെയിരിക്കട്ടെ.പുതിയ നല്ല ചിന്തകള്‍ പിറക്കട്ടെ

    ReplyDelete