വയല്‍ കിളി

വയലിലൊരു കിളി പാടി

ആ പാട്ടിനലകള്‍ അരികെ മുഴങ്ങി

കതോര്‍ത്തിരുന്ന നീ ഊന്നുവടിയുമായ്‌

ദിക്കേതെന്നറിയാതെ സഞ്ചാരിയായ് 

പാതയോരങ്ങളില്‍ കേട്ടതില്‍ പലതും

കിളിയുടെ നാദമോ അറിയുവാനായില്ല

പലനാള്‍ കേട്ടിട്ടും ശ്രവിക്കാതെ പോയതും

ചാരെയുണ്ടായിട്ടും തോന്നലില്‍ ദൂരെയായ്

നീണ്ടുകിടക്കുന്ന പാതകള്‍ താണ്ടി നീ

ലക്ഷ്യത്തിലെത്തുവാന്‍ മുന്നോട്ടു പോയതും

യാത്രതന്‍ ഉത്തരം എന്തെന്നറിയണ്ടേ?

സ്വന്തനമേകുന്ന നാദമാണാഗാനം

ഒന്നിലും കാണാത്തയെന്തോ ഒരു നന്മ

ഈശ്വരന്‍ ദാനമായ് നല്‍കിയതാവണം

പലകുറിയരുകില്‍ കേട്ടതാണെങ്കിലും

എന്തെയെനിക്കന്നറിയാന്‍ കഴിഞ്ഞില്ല ?

അറിയില്ലെനിക്കിന്നും ചെന്നെത്തുവാനായ്‌

കഴിയുമോ എന്നുടെ ലക്ഷ്യത്തിന്‍ ചാരെ ?